மழை எச்சரிக்கைகள் பற்றி தெரிந்து கொள்வோம்
பச்சை அலர்ட் சில பகுதிகளில் வானிலையை குறிப்பதற்கு பச்சை நிறம் பயன்படுத்தப்படும். இது இயல்பான வானிலையை குறிக்கிறது. எனவே இதை அலர்ட் என்று சொல்ல முடியாது.
மஞ்சள் அலர்ட் என்பது 64.5 மில்லி மீட்டரிலிருந்து 115.5 மில்லி மீட்டர் வரை பெய்யும் மழை. இது பெரும் சேதத்தை ஏற்படுத்தாது என்றாலும், மக்களுக்கு சிறிய அசௌகரியத்தை ஏற்படுத்தும் என சொல்லப்படுகிறது. மஞ்சள் அலர்ட் மழை பெய்யும் வாய்ப்பு உள்ளது என்பதை குறிப்பிடுகிறது. ஒரிரு இடங்களில் சற்றே அதிக மழையும் பெய்யலாம்.
ஆரஞ்சு அலர்ட் என்பது 115 மி.மீ. முதல் 204.5 மி.மீ வரை மழை பொழிவு இருக்கும் என கணிக்கப்பட்டால் அப்போது கொடுக்கப்படும். இந்த அளவிற்கு மழையால் மக்கள் அவதி அடைவதற்கு வாய்ப்புகள் உள்ளது. இது கனமழைக்கான எச்சரிக்கையாகும். மக்கள் முன்னெச்சரிக்கையுடன் பாதுகாப்பாக இருந்து கொள்வதற்காக இந்த அலர்ட் கொடுக்கப்படுகிறது.
ரெட் அலர்ட் என்பது 204 மி.மீ. அல்லது அதற்கும் அதிகமான மழை பொழிவு இருக்கும். இதில், வானிலை மிகவும் மோசமாக இருக்கும் என கணக்கிடப்படுவது ரெட் அலர்ட் என அறிவிக்கப்படுகிறது. இந்த அலர்ட் விடுக்கும்போது, மக்கள் பாதுகாப்பான இடங்களில் தஞ்சமடைய வேண்டும், பெரும்பாலான பகுதிகளில் மின் இணைப்பு, சாலை வசதிகள் துண்டிக்கப்படும். உள்ளூர் நிர்வாகத்தின் அறிவுறுத்தலின்படி அபாயகரமான பகுதிகளுக்கு செல்ல வேண்டாம் என்பவையாகும்.
